नवग्रह स्तोत्र (बृहस्पति देव सहित)

॥ सूर्य ॥ जपाकुसुमसंकाशं काश्यपेयं महाद्युतिम्। तमोऽरिं सर्वपापघ्नं प्रणतोऽस्मि दिवाकरम्॥ ॥ चन्द्र ॥ दधिशंखतुषाराभं क्षीरोदार्णवसम्भवम्। नमामि शशिनं सोमं शम्भोर्मुकुटभूषणम्॥ ॥ मंगल ॥ धरणीगर्भसम्भूतं विद्युत्कान्तिसमप्रभम्। कुमारं शक्तिहस्तं च मंगलं प्रणमाम्यहम्॥ ॥ बुध ॥ प्रियंगुकलिकाश्यामं रूपेणाप्रतिमं बुधम्। सौम्यं सौम्यगुणोपेतं तं बुधं प्रणमाम्यहम्॥ ॥ बृहस्पति (गुरु) ॥ देवानां च ऋषीणां च गुरुं काञ्चनसन्निभम्। बुद्धिभूतं त्रिलोकेशं तं नमामि बृहस्पतिम्॥ ॥ शुक्र ॥ हिमकुन्दमृणालाभं दैत्यानां परमं गुरुम्। सर्वशास्त्रप्रवक्तारं भार्गवं प्रणमाम्यहम्॥ ॥ शनि ॥ नीलांजनसमाभासं रविपुत्रं यमाग्रजम्। छायामार्तण्डसम्भूतं तं नमामि शनैश्चरम्॥ ॥ राहु ॥ अर्धकायं महावीर्यं चन्द्रादित्यविमर्दनम्। सिंहिकागर्भसम्भूतं तं राहुं प्रणमाम्यहम्॥ ॥ केतु ॥ पलाशपुष्पसंकाशं तारकाग्रहमस्तकम्। रौद्रं रौद्रात्मकं घोरं तं केतुं प्रणमाम्यहम्॥ ॥ बीज मंत्र (दिन अनुसार) ॥ रविवार — ॐ घृणि सूर्याय नमः सोमवार — ॐ सों सोमाय नमः मंगलवार — ॐ अं अंगारकाय नमः बुधवार — ॐ बुं बुधाय नमः गुरुवार — ॐ बृं बृहस्पतये नमः शुक्रवार — ॐ शुं शुक्राय नमः शनिवार — ॐ शं शनैश्चराय नमः